Sunita: ద ఫౌంటెన్‌హెడ్

ఇహ కధలోకి వస్తే కధ ఎత్తుకోవడమే, కధానాయకుడు Roark‌ని, ఆర్కిటెక్చర్ స్కూల్ నుంచి తొలగించడంతో మొదలవుతుంది. ఎందుకు తొలగించారు అంటే ’కొత్తవి సృష్టించలేము, పాత వాటిని అనుసరించి మాత్రమే ముందుకెళ్ళగలం" అనే సిద్దాంతాన్ని వ్యతిరేకించబట్టి. ఇక్కడ Roark ను ఇలా పరిచయం చేసింది రచయిత్రి.. సొంత అలోచన ఉన్నవాడు, అమెరికన్ సమాజంలో, డిగ్రీ దాకా వచ్చి దాన్ని వదిలేసుకోవటం, అదీ భావ వ్యతిరేకిత వల్లేనంటే, అది చిన్న విషయం కాదు. ఇక్కడే ఇంకో ముఖ్య పాత్ర Peter Keating. మామూలు భాషలో చెప్పాలంటే వెన్నెముక లేనివాడు, మెత్తగానే ఉంటూ, పనులు చేసినట్టే కనిపిస్తూ, పనిచేయించుకున్న వాళ్ళనే నిచ్చెనగా చేసుకుని ఎలా పైకి ఎదగొచ్చో అనేవి, ఈ కీటింగ్ ద్వారా రచయిత్రి చెబుతుంది. ఇవి రెండు నవలలో ముఖ్య పాత్రలు. స్కాలర్‍షిప్‍తో చదువు ముందుకు సాగించటమా, లేక ఉద్యోగం చేయడమా అనేది తేల్చుకోలేని కీటింగ్, Roarkని సంప్రదించి ఉద్యోగంలో చేరతాడు.
ఏ సభ్యసమాజం లోనైనా, పోలీసింగ్ లేదా వాచ్‌డాగ్ లేదా ఏపేరైనా, ఉంటుంది. వివిధ వృత్తుల్లో మంచి చెడ్డలూ, వాటిని గమనించడాలూ, వాటిని మీడియాలో ప్రకటించడాలూ ఉంటాయి. ఇది అమెరికాలో ఇంకా ఎక్కువ. మీడియా ఎలా ప్రభావితం చేస్తుందో అనేది టూయీ (Ellsworth Toohey) అనే రచయత పాత్ర ద్వారా, రచయిత్రి మనకు చెబుతుంది. ఈయన మేనకోడలూ, ఆమెకు కీటింగ్‍‌తో చిన్నపాటి అఫైరు ఇంకో పిట్టకధ .
మధ్యలో ఇంకో ముఖ్య పాత్ర - గైల్ వైనాండ్ (Gail Wynand). ఇతను ఓ పత్రికాధిపతి. అతని పత్రిక పేరు - "New York Banner". కథలో సగభాగం వరకూ కనబడకపోయినా, అంతర్లీనంగా కథాగమనాన్ని శాశించే పాత్ర అది. ఆ అంశంలో రాండ్ ప్రతిభ ప్రశంసించ దగ్గది.
ఫ్రాంకన్ అండ్ హేయర్ (Francon & Heyer) అనే కంపనీ లో కీటింగ్ అనుభవాల ద్వారా, ఒక్క ప్లాను గూడా గియ్యకుండా కేవలం కంపెనీ బ్రాండ్ నేమ్ ఉపయోగించుకుని ఎలా నడిపేస్తారో, నడపవచ్చో రచయిత్రి చెబుతుంది. సరే, మరో పక్క, మన హీరో, హెన్రీ కామెరన్ (Henry Cameron) అనే ఒక తాగుబోతు దగ్గర పనికి కుదురుకుంటాడు. డిగ్రీ కాగితం లేకుండా పని ఇవ్వాలంటే, ఎంతో కొంత నలుగురి కంటే భిన్నంగా అలోచించే వాడై ఉండాలి. Henry Cameron సరిగ్గా అలాంటి వాడే. గత వైభవం తప్ప ఇంకేమీ మిగలని విఖ్యాత architect.
తరువాత కొన్ని కారణాల వల్ల, Henry Cameron ఆఫీసు మూత పడిపోతుంది. తప్పని సరై, కీటింగ్ ఆఫీసులోనే పనిలో చేరతాడు Roark. ఒక రోజు కట్టుబడిలో ఉన్న బిల్డింగ్ చూడటానికి వెళ్ళిన Roark‌కు, మైక్ అనే ప్లంబర్‌తో పరిచయం అవుతుంది. Roarkలోని తనవైన ఆలోచనలూ, స్వంత నిర్ణయాలూ, నచ్చని దాన్ని వ్యతిరేకించే స్వభావం, ఇవన్నీ మైక్ ని ఆకట్టుకుంటాయి. కానీ, Roark వీటివల్లే వల్ల ఉద్యోగం కోల్పోతాడు.
ఇలా స్కూల్ నుంచీ, ఉద్యోగం నుంచీ గెంటివెయ్యబడ్డ హీరోకు, ఎవరూ మరలా ఉద్యోగం ఇవ్వరు. ఎన్నో ప్రయత్నాల తరవాత జాన్ ఎరిక్ స్నైట్ (Jan EriK Snyte) అనే పెద్ద మనిషి ఉద్యోగమిస్తాడు. అతని కింద ఓ ఐదుగురు విభిన్నమైన డిసైనర్లు పనిచేస్తుంటారు. వీరి మధ్య ఎప్పుడూ కాంపిటీషనే. అందరి డిజైన్లనూ చూసి ఆఖరుకు తనకు నచ్చిన ఒకదాన్ని ఎన్నుకుంటాడు స్నైట్. అలా, తన పనిని ఎన్నుకోక పోయినా తాను చేసిన దానిని మార్చకుండా ఉంచటం వల్ల Roark కీ జాబ్ శాటిస్ఫాక్షన్ దొరుకుతుంది. ఆ క్రమం‌లోనే, ఒకసారి హెల్లర్ (Heller) అనే వ్యక్తి ఇచ్చిన పనుల్లో, Roark డిసైను ఎన్నుకోబడుతుంది. ఆ సమయంలో జరిగిన ఓ సంఘటన వల్ల Roark ఉద్యోగం మానేసి, సొంత ఆఫీసు తెరుస్తాడు.
ఇంతలో ట్రేడు యూనియన్లూ, కాంట్రాక్టర్ల గొడవ మొదలవుతుంది. అప్పుడే కీటింగు‌కి టూయీ పరిచయమౌతాడు. ఇలాటివి సద్దుమణిగినాక, హీరోయిను డామినిక్ ఫ్రాంకన్ (Francon & Heyers లో Francon గారి కుమార్తె) పాత్ర కధలోకి వస్తుంది. రావడమే "న్యూయార్ల్ బేనర్" లో, ఫ్రాంకన్ కంపనీలో కీటింగ్ వేసిన డిసైనును ఘాటుగా విమర్శిస్తూ ప్రవేశిస్తుంది. హీరోయిను స్వభావం చూస్తే దేనికీ ఆశ పడని రకం, ఎందుకంటే ఏదైనా ఆశ పడితే దానికోసం వంగాల్సి ఉంటుంది. విషయాలన్నీ ఒకదానితో ఒకటి పడుగూ పేకలాగా కలిసిపోయి ఉంటాయనే రకం. ఆమె స్వభావం ఆమె తండ్రికి నచ్చదు. ఐతే ఫెన్సు మీద నుండి దూకుతూ డాడీ అని అరిచే చిన్న పిల్లగానే అతని స్మృతిపధం లో ఉండి ఆమె మీద కోపాన్ని కంట్రోలు చేస్తూ ఉంటుంది.
// ఈ కింద పేరాలో ఏం జరిగిందో నాకు ఒక్క ముక్క కూడా అర్ధం కాలేదు. //మొదటి అసైన్మెంటు ఐన Heller House తో కామరూన్ ను కలుస్తాడు Roark. ఎలాంటి మాట లేకుండా స్నాప్ షాట్స్ తెమ్మంటాడు. ఆ పని చేసి కొలోనియల్ స్టైల్లో కట్టిన హెల్లర్ ఇల్లు చూస్తానికి వెళ్ళినప్పుడు మళ్ళా మైక్ ఎదురౌతాడు. నీ దగ్గర పని ఉంటే నేనెప్పుడైనా రెడీ అన్న మైక్ తో స్నేహం చిరకాలం ఉంటుంది. తనకి వచ్చిన అవకాశాల్లోచాలా వరకూ పాత వాటిని తిరిగి తయారు చెయ్యమనే, ఎందుకంటే అవి ఙ్ఞాపకాలు కనుక. ఐతే ఇవేవీ అతనికి సరె అనిపించవు. కష్టపడి కొంత మేర జేబులోంచి పెట్టి మరీ ఒక ఇల్లు పూర్తి చేస్తాడు ఐతే కట్టించుకున్న ఆసామీ బదులు అతని కుమారుడు ఆ ఇంట్లో ఉంటాడు మన వాడి రెజ్యూమే లో పోటీ కి పనికి రాడనే విశేషణం ఒకటి జోడవుతుంది.
Heller House తరువాత పని తగ్గి అవకాశాలు మృగ్యమై, బిల్లులు కట్టలేని స్థితిలో ఉన్న Roark కి cameron వద్ద నుండి మళ్ళీ పిలుపు వస్తుంది. అసలు శతృవు వర్గ శత్రువు వైనాండ్ అని, తను పోరాడాల్సింది అతనితో అని చెప్పి కన్ను మూస్తాడు Cameron. మైక్ సాయంతో, కొత్త కొలువు దొరుకుతుంది Roarkకి. కన్నెక్టికట్ లోని ఒక గ్రానైటు క్వారీలో .
ఇదే సమయానికి కీటింగ్ చాలా ధనవంతుడైపోతాడు. ఫ్రాంకన్‌ నుంచీ వెళ్ళిపోయే ముందు, Roark కొన్ని డిజైన్సు చేస్తాడు. వాటినే వాడుకొని, తనకు తోచిన విధంగా అలంకరించి, తన డిజైన్లుగా కీటింగ్ ప్రచారం చేసుకుంటాడు. ఆ డిజైన్ ఇచ్చిన విజయంతో, కీటింగ్ ఫ్రాంకన్‌లోనే భాగస్తుడైపోతాడు. ఇదంతా పూర్వార్ధం.
ఓసారి వేసవి సెలవలకని కనెక్టికట్ వస్తుంది డామినిక్. ఇక్కడే డామినిక్ Roark ను చూస్తుంది. ఇదరికీ ముఖపరిచయాలేర్పడతాయి. ఐతే అతనెవరో, ఆమెకు తెలియదు. కనీసం పేరు కూడా తెలుకోదు. అతనూ ఆమె గురించి తెలుసుకునే ప్రయత్నమేమి చెయ్యడు. ఇంతలో Roger Enright అనే వ్యక్తి కమిషను అందటంతో, Roark తిరిగి న్యూయార్క్ చేరుకుంటాడు. అక్కడ, ఒక పార్టీలో Dominique కి మళ్ళీ పరిచయమవుతాడు. ఐతే వీళ్ళిద్దరి రిలేషను నేనిక్కడ చర్చించడం లేదు. అది ఎవరికి వారుచదువుకుని అనలైజు చేసుకోవాల్సిందే. ఇది ఒకలాంటి లవ్-హేట్ సంబంధం. చూసేవాళ్ళ దృష్టిలో వాళ్ళిద్దరికీ మధ్య పచ్చగడ్డి వేస్తే భగ్గుమంటది అనే అభిప్రాయం కలుగుతుంది.
మెల్లగా పని దొరుకుతూ రోయార్క్ ఆఫీసు పుంజుకుంటుంది. ఒకే సమయంలొ నాలుగైదు కమిషన్లు అందిన సందర్భాలూ వస్తాయి. ఇంతలో Hopton Stoddard (హాప్టన్ స్టాడర్డ్) అనే వ్యక్తి నిర్మించ దల్చిన Stodard Temple కాంట్రాక్ట్ కూడా వస్తుంది. ఆ టెమ్పుల్‌కి అవసరమైన శిల్పం కోసం తనలాంటి భావజాలమున్న శిల్పినే, Roark పెట్టుకుంటాడు. ఆ శిల్పితో స్నేహం కూడా చివరిదాకా ఉంటుంది. ఈ శిల్పానికి మొడల్‌గా, డామినిక్‌ పనిజేస్తుంది. అమెరికన్ సమాజం లో షేరు మార్కెట్ ప్రభావం ఎంత వుందో కూడా కధానుగుణంగా ఇక్కడ చర్చిస్తుంది రచయిత్రి. ఐతే ఈ Stodard Temple సదరు Stodard గారికి నచ్చక, చెప్పినట్లు కట్టలేదని కేసు వేస్తాడు. అందులో ఓడిపోయి మళ్ళా మొదటికే వస్తాడు Roark. డామినిక్ కీటింగ్ ను పెళ్ళిచేసుకుంటుంది. (జరిగిన సందర్భాన్ని, అందులోని ఆంతర్యాన్ని చదివే అర్థం చేసుకోవాలి కానీ, ఒకరు చెపితే అర్థమయ్యే విషయం కాదు కనుక ఇక్కడ చెప్పటం లేదు).
// ఈ పేరా కూడా.....ఆ శిల్పాన్ని ఎవరికి ఎవరు బహుమతిగా ఇచ్చారు? దానితో వైనాండ్, కీటింగ్‌కి ఎలా కాంట్రక్టు దక్కించాడు!?... అర్ధం గాలేదు //ఇప్పుడు కధలోకి News Paper owner వైనాండ్ ప్రవేశిస్తాడు. టూహీ Stoddard Temple కోసం డామినిక్ మోడల్ గా నిలబెట్టి చెక్కిన శిల్పాన్ని బహుమతిగా ఇచ్చి కాస్త కమిషన్లు తగ్గిన కీటింగుకి వైనాండ్ కాంట్రాక్ట్ దక్కేలా చేస్తాడు. అలా డామినిక్ వైనాండ్ కి పరిచయం అవుతుంది. కీటింగ్ ప్రకారం తన జాబ్ కమిషను కోసం భార్యను వైనాండ్ కు అప్పచెప్పేస్తాడు.
// ఇక్కడ పేరాలో కూడా...."మళ్ళీ పెళ్ళి పస్తావన వస్తుంది"...ఇంతకు ముందు ఒకసారి ప్రస్తావన వచ్చినట్టు ఎక్కడ రాశారు!?// ఓ రెండు నెల్లు Wynand yacht మీద అతనితో క్రూజ్ వెళ్తుంది డామినిక్. ఆ యాచ్ పేరు I Do. పడవ ప్రయాణానికి ముందు తన ఆర్ట్ గాలరీ అంతా డామినిక్ ను తిప్పి చూపిస్తాడు. ఒక వారం కలిసి కబుర్లాడుతూ యాచ్ మీద గడిపాక మళ్ళీ పెళ్ళి ప్రస్తావన వస్తుంది. వైనాండ్ ను పెళ్ళి చేసుకోవడానికి డామినిక్ ఒప్పుకుంటుంది. కీటింగ్‌కు విడాకులిచ్చి, ఓ 600 మంది ఆహతులు మధ్య వివాహం చేసుకుంటుంది. ఒక డైవర్సీని వైనాండ్ పెళ్ళి చేసుకున్నందుకు, మీడియా అంతా కోడై కూస్తుంది.
డామినిక్ - వైనాండ్ల మధ్య మాటల్లో, ’ఇది కూడా మనసులేని కాపురమే’ అని డామినిక్ నిజాయితీగా ఒప్పుకుంటుంది. అంతే నిజాయితీతో వైనాండ్ స్పందిస్తాడు, "నేను నా ప్రేమ గురించి మాత్రమే అలోచించాను" అంటాడు.
ఇదే సమయంలో Roark కు ఒక రెసార్ట్ వర్క్ దొరుకుతుంది. రెండేండ్లు ఖాళీ లేకుండా పనిచేస్తాడు. ఐతే రెసార్ట్ గురుంచి ఎక్కడా చడీ చప్పుడు ఉండదు. కట్టించేవాళ్ళు, రిసార్ట్‌ని, అధిక లాభాలకి అమ్మేసి దివాళా పెట్టే పనిలో ఉంటారు. అందుకుగానూ, ఓ పనికిమాలిన architect గా Roarkను వాళ్ళు ఎంచుకుంటారు.
ఇంతలో Roarkని కలవాలంటూ, వైనాండ్ ఓ పిలుపు పంపిస్తాడు. కలవగానే, ఇద్దరూ ఒకరినొకరు అంచనా వేసుకున్నట్టే చూసుకుంటారు. వైనాండ్ తన భార్య కోసం ఒక భవనాన్ని కట్టించాలని చెబుతాడు. రోయార్క్ ప్రతిభ ఆ భవనానికీ ప్రపంచానికి మధ్య అడ్డుగా ఇంకే గోడలూ లేకుండా ఉండాలని చెబుతాడు.// ఈ చివర వాక్యం అర్ధమైతే చెప్పెట్టుకొట్టండి. బహుశా మీ ఉద్దేశ్యం ఇది : ఆ భవన నిర్మాణంలో రోయార్కు ప్రతిభ ప్రతిబించించాలని, తద్వారా రోయార్క్ ప్రతిభకీ, ప్రపంచానికీ మధ్యా మరే విధమైన అడ్డుగోడలూ ఉండకూడదని చెబుతాడు.
భవంతి కట్టాల్సిన స్థలానికి, డ్రాయింగులతో వెళ్తారు. ఒకరి గురించి ఒకరు మాట్లాడుకుంటారు. వైనాండ్ Roark ను ఇంటికి ఆహ్వానిస్తాడు. భార్యను చూపిస్తాడు. తర్వాత తనే కొన్నిసార్లు స్వయంగా Roark ఆఫీసుకు వెళతాడు. తన స్టాఫ్‌ను పిలిచి, రోయార్క్ కు వ్యతిరేకంగా పత్రికలో ఏమీ రాయొద్దని చెబుతాడు.
భవనంతో పాటూ, ఇలా ఇద్దరి పరిచయం పెరుగుతూ ఉంటుంది. నిర్మాణం పూర్తవుతుంది. డామినిక్ అందులో నివాసంమొదలుపెడ్తుంది. ఇంతలో వైనాండ్ పేపరు గురించి, జనంలో వ్యతిరేకత ప్రబలటం మొదలవుతుంది, టూయీ వల్ల. పీటర్ కీటింగ్ తన అవకాశవాదాన్ని మరలా బైటపెట్టుకుంటాడు. ఈసారి Catherine (టూయీ మేన కోడలు, అతని తొలి ప్రేయసి)ను ప్రపోజ్ చేస్తాడు. ఐతే ఆమె కూడా మెత్తని చెప్పుతో కొడుతుంది.
కధ నడుస్తూనే ఉంటుంది. ఓ పక్క పేపరులో గొడవలు పెంచేసి, అవకాశం కోసం ఎదురుచుస్తుంటాడు టూయీ. మరో పక్క, టూయీ ద్వారా, కీటింగ్ ఓ ప్రాజెక్టు సంపాదించుకుంటాడు. Cartlandt హౌసింగనే ఆ ప్రభుత్వ హౌసింగు ప్రాజెక్ట్ పనినంతా, Roark చేత చేయించుకుని, కీటింగ్ తన పేరు పెట్టుకుంటాడు. Roark కూడా, తానే రకంగా వేస్తాడో, అలాగే అది నిర్మింపబడాలని, ఈ పని చేసిపెట్టేముందు ఓ కండిషన్ పెడతాడు. తరువాత వైనాండ్‌తో క్రూజ్‌పై వెళ్టాడు. తిరిగొచ్చిన Roark, ఆ ప్రాజెక్ట్ దగ్గరకు వెళ్ళి చూస్తే, కీటింగ్ నిస్సహాయత వల్ల అదంతా మార్పుచేర్పులకు గురైనట్లు తెలుసుకుంటాడు. Dominique సహాయంతో, దాన్ని పేల్చేస్తాడు. ఆ సందర్భంలో అరెస్ట్ అయిన Roarkని సమర్ధించినందుకు, Wynand పైన టూయీ తిరుగుబాటు లేవదీసి లొంగదీస్తాడు.
// కింద పేరాలో "సృష్టిస్తుంది" - రచయిత్రి సృష్టించిందా? లేక పతిస్థితులే ఆ సస్నివ్వేశాన్ని సృష్టిస్తాయని!!! నేను మార్చాను //బెయిలు పైన బయటకొచ్చిన వైనాండ్, Roark వద్దకు వెళ్ళి, విషయం పత్రికలకెక్కేలా చేస్తాడు. డామినక్‌కి విడాకులిస్తున్న వైనాండ్ అని ప్రచారం సాగిస్తాడు. దీని వల్ల, వైనాండ్ పేపర్ల సర్క్యులేషన్లు మళ్ళీ పెరుగుతాయి. ఆ పేల్చివేత కేసులో, జ్యూరీ ముందు Roark తన వాదన వినిపిస్తాడు. "క్రియేటర్స్" గురించి, "సెకండ్ హాండర్స్" గురించీ, "Egoism" అనేది ఎలా మంచిదో, దాని అసలు అర్థమేదో, స్వార్ధం లేక పోవడం ఎలా హానికరమో వివరిస్తాడు Roark. అతని వాదన విన్న జ్యూరీ అంతా కలిసి, "నాట్ గిల్టీ" అని ( అతన్ని నిరపరాధిగా) తీర్పునిస్తారు.
చివరికి : డామినిక్‌‌కి వైనాండ్ విడాకులిస్తాడు. Cartlandt project ని Enright సంపాదించి, Roark కే అప్పగిస్తాడు. వైనండ్ సెక్రటరీ Roark అప్పాయింట్మంట్ తీసుకుని, "వైనాండ్ బిల్డింగ్" కట్టేందుకు కాంట్రాక్ట్ ఇస్తుంది.
Roark వ్యక్తిత్వం సంపూర్ణంగా అర్థం చేసుకుని, తన లోపాల్ని సరిజేసుకున్న డామినిక్, ఇప్పుడు రొయార్క్ భార్య. వైనాండ్ బిల్డింగ్ యొక్క నేము ప్లేటు మీద "Howard Roark, Architect" అన్న అక్షరాలని, గర్వంగా చూస్తూ, అతని కోసం ఎలివేటర్లో పైకి వెళితుంది.ఆ పైనుంచి కింద అన్నీ చిన్నవిగా కనిపిస్తే, ఈ ఒక్క కట్టడం రాజ సౌధంలా, ఠీవిగా, అంత ఎత్తుగా కనిపిస్తుంది.
స్తూలంగా ఇదీ కధ.